မှတ်သားစရာများ

အားလုံးကို ဖတ်ကြည့်သွားပါက မှတ်သားစရာ တစ်စုံတစ်ရာ ရနိုင်ကောင်းပါသည်။

၁။ လူတွေကို သူတို့ မျှော်လင့်ထားတာထက်ပိုပြီး ရွှင်လန်းတက်ကြွစွာ ပေးကမ်းလိုက်ပါ။

၂။ သင်နှင့်လေပေးဖြောင့်သူကို လက်ထပ်ပါ။ သင်အိုမင်းလာသောအခါ သူတို့၏စကားပြောကျွမ်းကျင်မှုသည် တခြားအရာများကဲ့သို့ ပင် အရေးပါလာပါလိမ့်မည်။

၃။ ကြားသမျှမယုံ၊ ရှိသမျှမသုံး၊ အိပ်ချင်သလောက်မအိပ်ပါနှင့်။

၎။ “မင်းကိုချစ်တယ် ”ဟု ပြောကြားသည့်အခါ တကယ်အလေးအနက်ပြောပါ။

၅။ “ကျွန်တော်စိတ်မကောင်းပါဘူး” ဟု ပြောကြားသည့်အခါ ထိုသူ၏မျက်လုံးကို ကြည့်ပြီးမှပြောပါ။

၆။ အနည်းဆုံးခြောက်လစေ့စပ်ထားပြီးမှ လက်ထပ်ပါ။

၇။ မြင်မြင်ချင်း ချစ်တတ်တာကို ယုံပါ။

၈။ တစ်စုံတစ်ယောက်၏ မျှော်လင့်ချက်အိပ်မက်များကို ဘယ်သောအခါမှ ပြက်ရယ်မပြုပါနှင့်။ မျှော်လင့်ချက်အိပ်မက်များ မရှိသူသည် အများကြီးမအောင်မြင်နိုင်။

၉။ နက်နက်ရှိုင်းရှိုင်းနှင့် ပြင်းပြင်းပြပြ ချစ်မြတ်နိုးပါ။ သင် စိတ်ထိခိုက်နာကျင် ( အသည်းကွဲ) နိုင်သော်လည်း အချစ်သည် ဘ၀မှာပိုပြီး ပြည့်စုံစွာနေနိုင်ရန် တစ်ခုတည်းသောနည်းလမ်းဖြစ်သည်။

၁၀။ သဘောထားကွဲလွဲမှုများတွင် တရားသဖြင့် ငြင်းခုံပါ။ ဆဲရေးတိုင်းထွာခြင်း မပြုပါနှင့်။

၁၁။ လူတွေကို သူတို့ ၏ ဆွေမျိုးအသိုင်းအ၀ိုင်းကို ကြည့်ပြီး အကဲမဖြတ်ပါနှင့်။

၁၂။ ဖြည်းဖြည်းပြောပါ။ သို့ သော် လျှင်မြန်စွာ စဉ်းစားပါ။

၁၃။ သင်မဖြေချင်သည့်မေးခွန်းကို တစ်ယောက်ယောက်က မေးလာသည့်အခါ ပြုံးပြီးမေးလိုက်ပါ။ “ခင်ဗျား ဘာဖြစ်လို့ သိချင်တာလဲ” လို့ ။

၁၄။ ထူးကဲသော ချစ်ခြင်းနှင့် ကြီးမားသော အောင်မြင်မှုများမှာ နက်ရှိုင်းသောစွန့် စားမှု ပါဝင်နေသည်ကို သတိရပါ။

၁၅။ သင်ဆုံးရှုံးရချိန်တွင် သင်ခန်းစာယူပါ။

၁၆။ အနည်းငယ်သဘောထားကွဲလွဲမှုကြောင့် ကြီးမားသောခင်မင်ရင်းနှီးမှုကို မထိခိုက်ပါစေနှင့်။

၁၇။ အမှားလုပ်မိကြောင်းသိသိချင်း ပြင်ဆင်ဖို့ ကြိုးစားပါ။

၁၈။ တယ်လီဖုန်းကောက်ကိုင်ချိန်မှာ ပြုံးနေပါ။ ဖုန်းခေါ်သူက သင့်အပြုံးကို သင့်အသံထဲမှာ ကြားရပါလိမ့်မယ်။

၁၉။ တစ်ချို့ အချိန်တွေမှာ တစ်ကိုယ်တည်းနေပါ။

( Oct., 2008 ,,Global English Magazine

အောင်မြင်သော အိုင်တီပရော်ဖက်ရှင်နယ် တစ်ယောက်ဖြစ်လာဖို့ နည်းလမ်းများ

ကျွမ်းကျင်ပြီး အရည်အချင်းပြည့်ဝသော အိုင်တီပညာရှင်တစ်ယောက်အဖြစ် တက်လှမ်းနိုင်ဖို့ ပထမဦးဆုံးမှန်ကန်တဲ့ အိုင်တီခေတ်အလုပ်အကိုင် အခွင့်အလမ်းတွေအနေနဲ့ လမ်းကြောင်းတွေ ရွေးချယ်ဖို့ လိုပါတယ်။
အိုင်တီအလုပ်အကိုင်တွေအနေနဲ့ Professional Level, Mangement Level နဲ့ Executive Level ဆိုပြီး အဆင့် ၃ ဆင့် ရှိပါတယ်။ အများစုကတော့ အခြေခံအဆင့်ဖြစ်တဲ့ Professional Level အဆင့် အလုပ်အတွေ့အကြုံ အရည်အချင်းနဲ့ ကျွမ်းကျင်မှု လက်မှတ်တွေ အဆင့်ဆင့်ရရှိလာပြီဆိုမှ အထက်အဆင့်တွေကို တက်လှမ်းနိုင်မှာ ဖြစ်ပါတယ်။
Technical Level မှာ
Programmer/Software Developer
Systems Analyst/Analyst Programmer
Web Developer/Multimedia Specialist
Database Administrator
Network Technician/Network Administrator
Systems Technician/System Administrator
Instructor/Lecture စသဖြင့် သက်ဆိုင်ရာ ကျွမ်းကျင်မှုအလိုက် လုပ်ငန်းတာဝန်တွေ ထမ်းဆောင်နိုင်မှာ ဖြစ်ပါတယ်။

အဲဒီလိုပဲ Management Level မှာ ကြည့်ရင်လည်း
IS Manager
IT Manager
EDP Manager
Project Manager
Systems Manager
Network System Manager
Training Manager ဆိုတဲ့ လုပ်ငန်းရပ်အသီးသီးမှာ တာဝန်ခံမန်နေဂျာများအဖြစ် တာဝန်ထမ်းဆောင်နိုင်မှာ ဖြစ်ပါတယ်။

Executive Level လို့ ခေါ်တဲ့ အမှုဆောင်အရာရှိအဆင့်များမှာတော့
Vice President (IT)
Vice President(Information Service)
Chief Information Officer-CIO
Chief Technical Officer-CTO
Chief Security Officer-CSO
Technical Director
IT/IS Director
IT Project Director စတဲ့ ရာထူးတာဝန်တွေကို ထမ်းဆောင်နိုင်မှာ ဖြစ်ပါတယ်။

အဆင့်မြင့်ရာထူးများဖြစ်တဲ့ စီမံခန့်ခွဲမှုဆိုင်ရာနှင့် အမှုဆောင်အရာရှိ အဆင့်ရာထူးများကို မထမ်းဆောင်မီ Technical အဆင့်မှာ သက်ဆိုင်ရာ ကျွမ်းကျင်မှု လမ်းကြောင်းတစ်ခုခုကို ရွေးချယ်ပြီးမှ အဆင့်မြင့်ရာထူးတာဝန်များကို ထမ်းဆောင်ဖို့ ကြိုးစားကြရမှာ ဖြစ်ပါတယ်။ ဥပမာအားဖြင့် Software Development Line မှာ Junior programmer, Senior Programmer, System Analyst, Project Manager စသဖြင့် တစ်ဆင့်ပြီး တစ်ဆင့် တက်လှမ်းရမှာ ဖြစ်ပါတယ်။ Network Professional Line အနေနဲ့ဆိုရင် Network Technician, Network Engineer, Network System Manager, CTO (Network and Security) စသဖြင့် ရာထူးအဆင့်ဆင့်ကို တက်လှမ်းနိုင်မှာ ဖြစ်ပါတယ်။

ဘယ်ကျွမ်းကျင်မှု လမ်းကြောင်းကိုပဲ ရွေးချယ်ရွေးချယ် Industry ready လို့ ခေါ်တဲ့ လုပ်ငန်းခွင်အသင့် ၀င်ရောက်နိုင်ဖို့ကိုတော့ ဦးစားပေးစဉ်းစားရမှာ ဖြစ်ပြီး အလုပ်အတွေ့အကြုံ ကျွမ်းကျင်မှုများအပြင် အိုင်တီနဲ့သက်ဆိုင်တဲ့ အရည်အချင်း အသိအမှတ်ပြု လက်မှတ်တွေကို ရရှိနိုင်ဖို့ ကြိုးစားဖို့လိုပါတယ်။ ဒါမှ နိုင်ငံတကာ အဖွဲ့အစည်းတွေ၊ လုပ်ငန်းအဖွဲ့အစည်းကြီးတွေမှာ ထိုက်တန်တဲ့ ရာထူးတွေကို ရရှိနိုင်မှာ ဖြစ်ပါတယ်။ အိုင်တီဆိုင်ရာ အရည်အချင်းအသိအမှတ်ပြု လက်မှတ်တွေကတော့ သက်ဆိုင်ရာ Level အသီးသီးအလိုက် မိမိရဲ့ လိုအပ်ချက်အပေါ် မူတည်ပြီး ရယူလေ့လာရမှာ ဖြစ်ပါတယ်။
အထက်ဖော်ပြပါ လက်မှတ်တွေထဲမှာ ဒီပလိုမာနဲ့ ဒီဂရီလက်မှတ်တွေကတော့ Academic Oriented ဖြစ်တယ်လို့ ပြောလို့ရပါတယ်။ ဘာကြောင့်လဲဆိုတော့ အဲဒီလက်မှတ်တွေရဖို့ ပြည်တွင်းပြည်ပ ပညာရေးအဖွဲ့အစည်းတစ်ခုခုမှာ အနည်းဆုံး (၁) နှစ်ခန့် လေ့လာသင်ယူရမှာ ဖြစ်ပြီး Certificate Level ကတော့ ၃ လ ဒါမှမဟုတ် ၆ လ စသဖြင့်ပေါ့လေ လေ့လာသင်ယူရမှာ ဖြစ်ပါတယ်။
အဲဒီအပြင် Academic Orienrted မဖြစ်တဲ့ အိုင်တီစာမေးပွဲတွေကိုလည်း ဖြေဆိုနိုင်ပါတယ်။ ဘာတွေလည်းဆိုတာတော့ သိကြမယ်ထင်ပါတယ်။ မပြောတော့ဘူးနော်။
အခုပြည်တွင်းမှာဆိုရင် National Exam တွေဖြစ်တဲ့ MCPA နဲ့ ITPEC တွေကို ဖြေဆိုနိုင်ပါတယ်။ နိုင်ငံတကာအသိအမှတ်ပြု စာမေးပွဲတွေအနေနဲ့ဆိုရင် On Line ကနေ တိုက်ရိုက်ဖြေဆိုနိုင်တဲ့ Microsoft, CISCO နဲ့ Sun Java Exam တွေကိုလည်း အသိအမှတ်ပြု စာစစ်ဌာနတွေမှာ ဖြေဆိုနိုင်ကြပြီ ဖြစ်ပါတယ်။ လုပ်ခလစာမြင့်မားတဲ့ အဖွဲ့အစည်းကြီးတွေမှာ အိုင်တီပညာရှင်အဆင့်နဲ့ ၀င်ရောက်လုပ်ကိုင်ဖို့အတွက်ဆိုရင်တော့ ခုနပြောထားတဲ့ အချက်တွေနဲ့ ကိုက်ညီပြီး ပြီးပြည့်စုံမှုရှိနေရပါမယ်။

အခြားအရေးကြီးတဲ့အချက်တွေကတော့…
(1) Membership of Professional Bodies
ကွန်ပျူတာပညာရှင်အသင်းကဲ့သို့ အဖွဲ့အစည်းတွေမှာ အသင်းဝင်လျှောက်ထားခြင်း
(2) Office Procedure/HR Regulations
ရုံးလုပ်ငန်းအဖွဲ့အစည်းအသီးသီးရဲ့ လုပ်ထုံးလုပ်နည်းတွေကို နားလည်အောင် လေ့လာထားခြင်း
(3) Knowledge of Business
စီးပွားရေးလုပ်ငန်းအသီးသီး၏ သဘောတရားများကို နားလည်အောင် လေ့လာထားခြင်း
(4) Communication Skill
လူမှုဆက်ဆံရေး ကောင်းမွန်ခြင်းနှင့် ဘာသာစကားကျွမ်းကျင်စွာ တတ်မြောက်ထားခြင်း
(5) Social Networking
မိမိဘ၀တိုးတက်ရာကို လမ်းညွှန်ပေးနိုင်မည့် မိတ်ဆွေအပေါင်းအသင်းများ ရှာဖွေဆက်သွယ်ထားခြင်း
(6) Global Outlook
မိမိဒေသတစ်ခုတည်းမဟုတ်ဘဲ နိုင်ငံတကာဗဟုသုတများ သိသင့်သည်များ ကြိုတင်လေ့လာထားခြင်း
(7) Role Model
မိမိဘ၀တိုးတက်ရာ တိုးတက်ကြောင်းကို ဦးဆောင်လမ်းပြပေးနိုင်မည့် စံပြုထိုက်သူတစ်ဦးဦး သတ်မှတ်ထားခြင်း (ဥပမာ – ဘီဂိတ်လ်၊ အိုဘားမား)
(8) Efforts
ကြီးမားသော ဇွဲလုံ့လ၀ိရိယဖြင့် ကြိုးစားအားထုတ်ခြင်း
(9) Ethic
ပညာရှင်တစ်ယောက်အဖြစ် ရပ်တည်နိုင်မယ့် ကောင်းမွန်သော ကျင့်ဝတ်သိက္ခာများရှိခြင်းတို့ကို ပိုင်နိုင်ရရှိနေမယ်ဆိုရင် အောင်မြင်တဲ့ အိုင်တီပရော်ဖက်ရှင်တစ်ယောက် ဖြစ်လာမှာ အမှန်အကန်လို့ ပြောကြားခဲ့သူကတော့ MCF ရဲ့ ၁၀ နှစ်မြောက်ပွဲမှာ ဦးငြိမ်းဦး(အတွင်းရေးမှူး-မြန်မာနိုင်ငံ ကွန်ပျူတာပညာရှင်အသင်း) က ပြောကြားတာ ဖြစ်ပြီး လူသားတိုင်း အိုင်တီပညာရှင်များ ဖြေစေဖို့ ပြန်လည်ကောက်နုတ်တင်ပြရခြင်း ဖြစ်ပါတယ်။

နောက် ကျွန်မရဲ့အမြင်ကတော့ ကျွမ်းကျင်ပြီး အရည်အချင်းပြည့်ဝတဲ့အိုင်တီပညာရှင်တစ်ဦး ဖြစ်လာနိုင်ဖို့က မိမိကိုယ်တိုင် ကြိုးစားအားထုတ်မှု၊ နောက်တစ်ချက်က အရည်အချင်းအသိအမှတ်ပြုလက်မှတ်တွေ၊ အလုပ်အတွေ့အကြုံတွေအပြင် အဓိက တစ်ချက်က ငွေကြေးတတ်နိုင်ထောက်ပံ့မှု၊ နောက် အချိန်ပေးနိုင်မှု ဒါတွေ ပြည့်စုံနေမှသာ ပညာရှင်တစ်ယောက်။ ဖြစ်လာနိုင်မယ်လို့ ကျွန်မ ထင်မြင်မိပါတယ်။

ဒီလိုမျိုး ဟောပြောချက်တွေကို ကျွန်မ သွားရောက်နားထောင်ဖြစ်ခဲ့ပေမယ့် ခုချိန်ထိ ဘာမှဖြစ်မလာသေးတာကို စိတ်မကောင်းဖြစ်မိပါတယ်။ ဒါတောင် ဟောပြောတဲ့ပွဲတိုင်း မတက်ရောက်နိုင်တာကိုလည်း အားမလိုအားမရ ဖြစ်မိပါတယ်။ နောက်တစ်ချက်က ဟောပြောပွဲတွေမှာ ၀င်ကြေးဆိုတာ မကောက်ခံတဲ့အတွက်လည်း ကျွန်မတို့လို ငွေကြေးမပြည့်စုံတဲ့သူတွေအတွက် ကျေးဇူးအထူးတင်ထိုက်ကြောင်း ပြောပါရစေရှင်……

မှတ်ချက်။ ။manawphyulay မှ ပြန်လည်ဖော်ပြသည်။

To Do List ပြုလုပ်ထားခြင်းရဲ့ အကျိုးကျေးဇူး

စနစ်ကျတဲ့ သူတိုင်း ကိုယ်လုပ်ရမည့် မည့်သည့် အလုပ်အတွက်မဆို ကြိုတင် စာရင်းလုပ်တတ်ကြပြီး စူပါမားကတ်မှာ ဘာဝယ်မယ် ကအစ ရေးမှတ်ထားတတ် ကြပါတယ်။ အများစုကတော့ မိမိတို့ရဲ့ ရေရှည် ရည်မှန်ချက်ပန်းတိုင်တွေ မျက်ခြည် မပြတ်ကြဖို့၊ နေ့စဉ်ဘ၀ ဖြတ်သန်းမှုတွေကို သေချာစိစစ်ကြဖို့နဲ့ ကိုယ်ရေးမှတ်တမ်း အကျဉ်းလေးတွေ ဖန်တီးကြဖို့ စာရင်းပြုစုကြပါတယ်။ လုပ်ရမည့် စာရင်းတွေကို ရေးမှတ်တာဟာ သင့်လုပ်ဆောင်စရာတွေကို ပြီးမြောက်စေရုံသာမက သင့်စိတ်ကိုလည်း ပိုမိုပျော်ရွှင် စေနိုင်ပါတယ်။ လုပ်ငန်းခွင်မှာ ရှိတဲ့သူတော်တော် များများကတော့ နေ့စဉ် To Do List ကို ပြုစုထားလေ့ ရှိပါတယ်။ To Do List ပြုလုပ်ခြင်းကြောင့် ရရှိနိုင်တဲ့ အကျိုးကျေးဇူးတွေကို ပြန်လည် မျှဝေပေးလိုက်ပါတယ်။

၁။ထိန်းချုပ်မှုရှိစေနိုင်ပါတယ်

စာရင်းပြုလုပ်တာဟာ လုပ်စရာ ဘာတစ်ခုမှ မပြီးရင်တောင် ရည်မှန်ချက်တွေကို ရောက်အောင် ကူညီပေးနိုင်တယ်လို့ ဆိုထားပါတယ်။သင့်စာရင်းထဲက လုပ်စရာတစ်ခုကို ခြစ်ပစ်လိုက်နိုင်တာဟာ သင့်တိုးတက်မှုကို ဖော်ပြနေတဲ့အတွက် စိတ်ကျေနပ် အားရစေပြီး အားအင်သစ်တွေ ပေးစွမ်းနိုင်ပါတယ်။

၂။သင့်မှတ်ဥာဏ်အားကို တက်စေနိုင်ပါတယ်

အလုပ်လုပ်နေတဲ့ သင့်မှတ်ဥာဏ်က တစ်ချိန်တည်းမှာ လုပ်စရာ ခုနစ်ခုကနေ ကိုးခုထိပဲ မှတ်နိုင်စွမ်းရှိပါတယ်လို့ Lyubomirsky ကပြောထားပါတယ်။ အဲဒီတော့ သင်လုပ်ရမယ့်အရာတွေအားလုံးကို မှတ်မိဖို့ကြိုးစားမယ်ဆိုရင် သင့်စွမ်းအင်တွေအားလုံးကို အသုံးချလိုက်သလို ဖြစ်ပါလိမ့်မယ်။ ဒါပေမဲ့ သင် စာရင်းလုပ်လိုက်မယ် ဆိုရင်တော့ သင့်အလုပ်တွေကို ခွဲခြမ်းစိတ်ဖြာဖို့၊ဦးစားပေးအရာတွေ သတ်မှတ်ဖို့ ၊ သူများကိုတာဝန်ခွဲဝေပေးဖို့ ၊ဒါမှမဟုတ်တချို့အလုပ်တွေကိုဖျက်ရင်တောင် ဖျက်ပစ်လိုက်ဖို့ စွမ်းအင်တွေ ကျန်ရှိနိုင်ပါတယ်။ ဒါ့အပြင် သင်လုပ်ရမည့်အရာ သေးသေးမွှားမွှား လေးတွေကိုတောင် မေ့မှာမဟုတ်တော့ပါဘူး။

၃။ခက်ခဲတဲ့ဆုံးဖြတ်ချက်တွေ ချမှတ်နိုင်စေပါတယ်

ဆုံးဖြတ်ချက် ချရမယ့်အခါ ချီတုံချတုံ ဖြစ်နေမယ်ဆိုရင်တော့ ဦးနှောက်ကို အလုပ်စပေးလိုက်ပါတယ်။ ဘယ်လောက်ပဲ ယုတ္တိမရှိတာ ဖြစ်ပါစေ၊ စိတ်ထဲပေါ်လာသမျှ အကုန်ရေးချလိုက်ပါ။ ဒီလိုစည်းဘောင်မရှိဘဲ စာရင်းချရေးလိုက်တဲ့အတွက် သင်ဘယ်လိုမှ တွေးမိမှာ မဟုတ်တဲ့အဖြေတွေ၊ ဆိုလိုရင်းတွေကို ရှာတွေ့ကောင်း ရှာတွေ့နိုင်မှာ ဖြစ်တယ်လို့ Cagen က ဆိုထားပါတယ်။ စာရွက်ပေါ်မှာ ချရေးပြီး ပြသာနာဖြေရှင်းနည်း စဉ်းစားတာဟာ သင့်ပြသာနာတွေကို ကောင်းကောင်း ကိုင်တွယ်စေ နိုင်ပါတယ်။

၎။စိတ်ဆင်းရဲစရာအချိန်တွေကို တွန်းလှန်ပစ်စေနိုင်ပါတယ်

သင် ပထမဆုံး လူတစ်ယောက်ကို ချစ်မိတဲ့နေ့၊ ဒါမှမဟုတ် သင့်ခွေးပေါက်စလေးကို ၀ယ်တဲ့နေ့တွေလို အပျော်ဆုံး အချိန်တွေကို စာရင်းလုပ်ထားပါ။ ပြီးရင် မျက်လုံးတွေ မှိတ်ထားပြီး အဲဒီနေ့တွေက ခံစားခဲ့ရတာတွေကို ပြန်ခံစားကြည့်ပါ။ လေ့လာချက် တစ်ရပ်အရ တစ်ရက်နှစ်ခါ ဆယ်မိနစ်လောက် ဒီလိုလုပ်တဲ့အခါ တစ်ပတ်ကြာပြီးတဲ့နောက်မှာ ပိုပျော်ရွှင်လာတယ်လို့ သိရပါတယ်။ အရင်ပုံရိပ်တွေကို လက်ရှိဖြစ်ပျက် နေသလို ခံစားနိုင်လေလေ အကျိုးကျေးဇူး ပိုများလေလေပါပဲ။

၅။စိတ်တက်ကြွစေနိုင်ပါတယ်

ပြီးမြောက်သွားတဲ့ စာရင်းတွေကို အပတ်စဉ် စုဆောင်းတတ်သူတွေဟာ မစုဆောင်းတဲ့ သူတွေထက် တစ်ပတ်ကို မိနစ်ရှစ်ဆယ်လောက် လေ့ကျင့်ခန်း ပိုလုပ်ကြတယ်လို့ သိရပါတယ်။ အကြောင်းကတော့ သူတို့ဟာနေ့စဉ်ဘ၀နဲ့ ပတ်သက်ရင် ပိုပြီး တက်ကြွတတ်ကြတယ်လို့ ကယ်လီဖိုးနီးယား တက္ကသိုလ်က လေ့လာချက် တစ်ရပ်အရ သိရပါတယ်။

၆။ဟန်ချက် ညီစေနိုင်ပါတယ်

သင့်ဦးစားပေး အရာတွေကို မျက်ခြည်ပြတ်လာပြီဆိုတဲ့အခါ ဘာဖြစ်ရင်တော့ ငါ့ဘ၀ပြည့်စုံပြီဆိုတဲ့ စာရင်းလေး ပြုစုလိုက်ပါ။ ဒီလိုစာရင်းလုပ်ပြီး မိသားစုနဲ့ အချိန်ပိုဖြုန်းတာလို သင့်ကိုပျော်ရွှင်မှုတွေ အချိန်ကြာကြာ ပေးစွမ်းနိုင်တဲ့ ဦးစားပေးအရာတွေ သတ်မှတ်ခြင်းအားဖြင့် သင့်စွမ်းအင်တွေကို ဘယ်မှာ ပိုအသုံးချရမယ်ဆိုတာ ကွက်ကွက်ကွင်းကွင်း သိမြင်စေနိုင်ပါတယ်။

၇။နေ့ရက်စဉ်တိုင်း ပျော်ရွှင်စေနိုင်ပါတယ်

သင့်ကို ပျော်ရွှင်စေမဲ့အရာ အခုတစ်ရာကို စာရင်းပြုစုလိုက်ပါ။ စာအုပ်ကောင်း တစ်အုပ် ဖတ်ရှုနေတာကစပြီး ၀ိုင်ကောင်းထွက်တဲ့ နိုင်ငံတွေကို လျှောက်လည်ရတာ အဆုံး ရေးမှတ်ထားပါ။ ပြီိးရင် တစ်ပတ်ကို တစ်ခု ပြီးမြောက်အောင် လုပ်ဆောင်ပြီး ပျော်ရွှင်မှုတွေကို ခံစားနိုင်ပါတယ်။


မှတ်ချက်။ ။notebookofayarwaddy.multiply.com မှ ပြန်လည်ဖော်ပြသည်။

ဂုဏ်သိက္ခာ ရှိသူ ဖြစ်လိုလျှင်

လူတစ်ဦးဆီဧ။် ဂုဏ်သတင်းကောင်း ရရှိရေးတွင် ကိုယ်ကျင့်သီလ ကောင်းမွန်ခြင်းသည် အခြေခံလိုအပ်ချက် ဖြစ်ဧ။်။ ကိုယ်ကျင့်သီလတွင် ရိုးသားဖြောင့်မတ်မှု၊ တရားမျှတမှုနှင့် ဂုဏ်သိက္ခာတို့သည် ကိုယ်ကျင့်သီလကို ဖော်ပြချက်ဖြစ်သည်။
သီလ-သမာဓိ-ပညာ နှင့်ပြည့်စုံသော လူတစ်ယောက် သို့မဟုတ် ခေါင်းဆောင်ကောင်း တစ်ယောက် ဖြစ်မြောက်ရေး အတွက် အောက်ဖော်ပြပါ နည်းလမ်းများကို လိုက်နာ ဆောင်ရွက်ရန် လိုအပ်ပါလိမ့်မည်။
(၁) ကိုယ်ကျင့်တရား ဆိုင်ရာ သတ္တိမွေးမြူပါ။
ကိုယ်ကျင့်တရားနှင့် သက်ဆိုင်သော သတ္တိရှိသူမှန်လျှင် အမှန်တရားဘက်မှ ရပ်တည်ရန် သတ္တိရှိပါလိမ့်မည်။ တစ်စုံတစ်ရာ အကျိုးကို မျှော်ကိုး၍ လည်းကောင်း တစ်စုံ တစ်ယောက်ကို ငဲ့ကွက်၍ လည်းကောင်း ပြဿနာကို ရှောင်လွှဲလိမ့်မည် မဟုတ်ပါ။ မိမိမှားပါကလည်း အမှားကို ၀န်ခံရဲပါလိမ့်မည်။ မိမိမှာ ကိုယ့်ကျင့်တရား ဆိုင်ရာ သတ္တိသာ ရှိပါစေ၊ အားလုံးက သင့်ကို လေးစားကြပါလိမ့်မည်။ အကယ်စင်စစ် ကိုယ်ကျင့်တရားဆိုင်ရာ သတ္တိသည် ရိုးသားဖြောင့်မတ်မှု၏ အခြေခံလည်း ဖြစ်ပေသေးသည်။
(၂) အမှန်တရားဘက်မှ အမြဲရပ်ပါ။ ရိုးသားဖြောင့်မတ်မှုကို အပြည့်အ၀ကျင့်သုံးပါ။
ရိုးသား ဖြောင့်မတ်မှု မရှိသူကို မည်သူကမျှ စိတ်ချလိမ့်မည် မဟုတ်ပါ။ သင့်၏ ၀န်ထမ်းများနှင့် လုပ်ဖော်ကိုင်ဖက်များ အပေါ် ပြဿနာမှန်ကို ဖုံးကွယ်ခြင်း၊ အချက်အလက်များကို လိမ်ညာဖော်ပြခြင်း ပြုပါက သင်သာလျှင် ဂုဏ်သိက္ခာ ကျဆင်း၍ ယုံကြည်မှု ကင်းမဲ့သွားပါလိမ့်မည်။ အများ၏ ယုံကြည်စိတ်ချမှုကို ရရှိရန် မလွယ်ကူပါ။ ရေရှည် ဆောက်တည် ယူရပါလိမ့်မည်။ ယုံကြည်စိတ်ချမှု ပျောက်ကွယ် သွားဖို့ကတော့ လွယ်လှသည်။ ပြန်လည်ရယူ ကြိုးစားဖို့ကြတော့ မလွယ်တော့ပါ။ မည်သည့် အသေးဖွဲ ကိစ္စလေးများမှအစ မုသားမဆို မိပါစေနှင့် ။ လူတွေကို ချီးကျူးစရာရှိလျှင် ချီးကျူးလိုက်ပါ။ ဘာမှ ချီးကျူးစရာမရှိလျှင် မပြောပါနှင့်။ လူတစ်ဦး တစ်ယောက်၏ ဂုဏ်သိက္ခာ ထိပါး နစ်နာသွားစေမည့် စကားမျိုးဆိုလျှင်လည်း ပြောသင့် မပြောသင့် စဉ်းစား ချင့်ချိန်သင့်ပါသည်။
(၃) ကိုယ်ကျင့်တရားနှင့် ပတ်သက်လာလျှင် မှန်သည်ဟု ယုံကြည်သည့် ဘက်မှ ရပ်တည်ပါ။
သင်၏ ကိုယ်ကျင့်သီလဆိုင်ရာ မှတ်ကျောက်ကို ဘယ်တော့မှ မပွန်းပဲ့ပါစေနှင့်။ သင့်၏ အခြေခံရပ်တည်ချက်ကို ဘယ်တော့မှ ရောင်းမစားပါနှင့်။ သင်၏ယုံကြည်မှုကို ဘယ်တော့မှ အလွဲသုံးစားမလုပ်ပါနှင့် သင့်၏ ခံယူချက်အပေါ် သတ္တိရှိပါ။ ပြဿနာ အခက်အခဲများနှင့် ရင်ဆိုင်ရ၍ ဆုံးဖြတ်ချက်ချရန် ခက်ခဲသော အကျဥ်းထဲ အကျပ်ထဲတွင် သင်၏ ပြုမူလှုပ်ရှားမှု ကာယအိနြေ္ဒသည် အဖွဲ့အစည်း တစ်ခုလုံး၏ လမ်းညွှန်သဖွယ် ဖြစ်ပါစေ။
(၄) ပြောသလိုလုပ်
သင်၏ အပြုမူတိုင်းသည် သင်၏ လုပ်ငန်းဆိုင်ရာ စိတ်သဘောထားနှင့် သူတစ်ပါး သတ်မှတ်ထားသော အရည်အသွေး စံချိန်ကို ရောင်ပြန် ဟပ်ပါစေ။ မိမိအဖွဲ့အစည်း၏ စည်းမျဉ်းစည်းကမ်းကို သင်လိုက်နာဖို့လိုသည်။ အကယ်၍ သင်၏ ၀န်ထမ်းများအပေါ် သင်ပြောသည့်အတိုင်း လုပ်ကိုင်ရန် တာဝန် ပေးအပ်သည်ဆိုပါက သင်ကိုယ်တိုင်လည်း အပြောတခြား အလုပ်တခြား မဖြစ်ဖို့တော့ လိုပါလိမ့်မည်။ သူတို့အနေဖြင့် သင်ပြောသလိုမလုပ် သင်လုပ်သလိုသာ လိုက်လုပ်လျှင် လိုက်လုပ်မည် ။ သို့မဟုတ်ပါကလည်း သူတို့သဘောနှင့် သူတို့ ထင်သလို လုပ်ကြပါလိမ့်မည်။ ထို့ကြောင့် အပြောနှင့် အလုပ် ညီမျှပါစေ။ ပြောလျှင် ပြောသည့်အတိုင်း လုပ်ပါ။
(၅)သင်၏ ရာထူးနှင့် အဆင့်အတန်းက်ို အခွင့်ကောင်းယူ၍ အလွှဲသုံးစား မပြုလုပ်နှင့်
သင်၏ မန်နေဂျာ အခွင့်အာဏာကို သင်၏ ကိုယ်ရေးကိုယ်တာ တစ်စုံတစ်ရာအတွက် အခွင့်အရေးယူ အလွဲသုံးမိပါက သင်၏ ရာထူးတွင် ဂုဏ်သိက္ခာ ထိခိုက်ပါလိမ့်မည်။
ဥပမာ – ကုမ္ပဏီ၏ ငွေကြေးသော်လည်းကောင်း၊ အချိန်သော်လည်းကောင်း၊ ပစ္စည်းသော်လည်းကောင်း အလွှဲသုံးစားပြု၍ သုံးစွဲတာမျိုး မပြုလုပ်သင့်ပါ။ အသေးအဖွဲမှစ၍ ကြီးထွား လာတတ်ပါသည်။ ဥပဒေ ချိုးဖောက်မှု ရာထူးခန့်ရာတွင် ဆွေမျိုးက်ို ဦးစားပေးခန့်မှု၊ ငွေစာရင်းလိမ်ပြမှု၊ မလိုအပ်သော အသုံးစရိတ်များ တောင်းဆိုမှု၊ လိမ်လည်မှု၊ သစ္စာမဲ့မှု၊ ရုံးသုံးပစ္စည်းများ ခိုးယူမှုတို့ အကျုံးဝင်သည်။
(၆)သင်လုပ်မပေးနိုင်လျှင် ကတိမပေးပါနှင့်
သင်ဂတိအတိုင်း လုပ်မပေးနိုင်ကြောင်း သိထားလျှင် အစကတည်းက တိမပေးပါနှင့်။ သင်၏ နှုတ်ထွက်စကားလို သင်ကောင်းရပါမည်။ သင့်စကားကလည်း သင်၏ ကတိစာချုပ်လို ကောင်းရမည်ပင် ဖြစ်သည်။
(၇)အမှားကို ထောက်ပြလျှင် ၀န်ခံရဲပါစေ
မှားပါသည်ဟု ၀န်ခံသူက်ို ဝေဖန်ဖို့ လွန်စွာခက်ပါသည်။ မိမိက အပြစ်ကျူးလွန်မိသည့်အခါ ထောက်ပြဝေဖန်သူကို စောဒက မတက်ပါနှင့်။ ဥပဒေစည်းကမ်းကို သင်ချိုးဖောက်မိပါက ပွင့်ပွင့်လင်းလင်း ၀န်ခံလိုက်ပါ။ အပြစ်မဲ့သူကို ဓားစာခံ ရှာမနေပါနှင့်။ ဘာကြောင့် မှားယွင်းခဲ့မိသည်ကို ပြန်လည်သုံးသပ် အဖြေရှာပါ။ ဘယ်တော့မှ ဆင်ခြေပေး၍ ရှောင်လွှဲလီဆယ်ဖို့ မကြိုးစားပါနှင့်တစ်ကြိမ်တစ်ခါ လိမ်မိရုံမျှဖြင့် တစ်သက်လုံး သင်္ကာမကင်း သံသယ အ၀င်ခံ နေရတတ်ပါသည်။
(၈)ဘာကြောင့်ကိုယ်ကျင့်သီလအရေးကြီးကြောင်း သဘောပေါက်နားလည်ပါ
ခေါင်းဆောင်မှု နေရာ ယူထားသူအတွက် ကိုယ်ကျင့်သီလ ဖြောင့်မတ် ကောင်းမွန်ရေးသည် မည်မျှ အရေးပါကြောင်း နားလည်ထားရန် လိုအပ်ပါသည်။ ကိုယ်ကျင့်သီလ ဆိုသည်မှာ-
-ယုံကြည် စိတ်ချမှုကို တည်ဆောက်ပေးသည်
လူများစုက သင်သည်ရာထူး အရှိန်အ၀ါကို အသုံးပြု၍ ကိုယ်ကျိုးရှာသူ မဟုတ်ကြောင်း သိမြင်လာသည်နှင့် မိမိအပေါ် လူများစု၏ စိတ်ချယုံကြည်မှု၊ သစ္စာရှိမှုကို အပြည့်အ၀ အားတက်သရော ရရှိပါလိမ့်မည်။
-တစ်ပါးသူအပေါ် သြဇာ ညောင်းစေသည်
အီမာဆန်က “ကြီးမားတဲ့ အသင်းအဖွဲ့တိုင်းသည် လူပုဂ္ဂိုလ် တစ်ဦးတစ်ယောက်၏ အရိပ်အာဝါသကို ခိုလှုံကြရခြင်း ဖြစ်သည်။ အဆိုပါပုဂ္ဂိုလ်၏ အကျင့်စရိုက်သည် အဖွဲ့အစည်း၏ အကျင့်စရိုက်ကို ပြဠာန်းပေးသည်”ဟု ဖြော်ပခဲ့သည်။
-စစ်မှန်သော သင်၏ ဂုဏ်သတင်းကောင်းကို ဆောင်ယူသင်းပျံ့စေသည်
လူတစ်ချို့သည် အတွင်းအဇ္ဈတ္တ သဏ္ဍာန်ထက် အပေါ်ယံဗဟိဒ္ဒသဏ္ဍာန်ကို လိုသည်ထက်ပို၍ ဂရုစိုက်မွမ်းမံလေ့ ရှိကြသည်။
“အပေါ်ယံမှာ ကြွားလုံးထုတ်၊ ကတိပေး၊ ၀ါဒဖြန့်တာတွေ များများလုပ်၊ တကယ်လုပ်သည်က နည်းနည်း၊ အကျင့်သီလကတော့ ဘယ်ခါမှ စိတ်မပျက်” ဆိုသည့် မတ်စ်မက်ကောလေး၏ေ၇းသားချက်ကိုတော့ မေ့လျော့နေကြသည်က များသည်။
-မြင့်မားသော စံချိန်ကို ဖန်တီးသည်
သင်၏ ကိုယ်ကျင့်သီလက လုပ်ငန်းခွင်မှ လူအများကြားတွင် သင့်ကို စံနမူနာဖြစ်စေသည်။ သင်၏ လှုပ်ရှား လုပ်ဆောင်မှု တစ်ခုတည်းဖြင့်သာ ၀န်ထမ်းများကို သင့်မျှော်မှန်းသည့် အတိုင်း မြင့်မားသည့် စံချိန်သို့ ရောက်ရှိအောင် စည်းရုံး လုပ်ဆောင်ပေးနိုင်သည်။ လူတို့၏ သဘာဝကပင် အတုမြင် အတတ်သင်တတ်သည့် သဘောရှိသည်။
- သင်၏ ကိုယ်ပိုင်ရပ်တည်မှုကို ဖြည့်စွမ်းကူညီသည်။
သင်ကိုယ်တိုင်က မိမိကိုယ်မိမိ ယုံကြည်မှု ပိုမို ရရှိလာစေသည်။
-ကြော်ငြာ စရာမလိုပါ
သင်၏ ပြုမူဆောင်ရွက်သမျှသည် သင်၏ ကိုယ်ကျင့်တရားကို အရောင်တင်ပေးနေပြီ ဖြစ်၍ လူတိုင်းကသင့်ကို သိရှိလာကြပြီးဖြစ်သည်။
အချုပ်အားဖြင့်ဆိုသော် နှစ်ဦးနှစ်ဖက် စေ့စပ်ဖြေရှင်းရန် အပေးအယူ၊ အလျှော့အတင်းလုပ်ဖို့ သွေးဆောင်ခံရပါက လူ့ဂုဏ်သိက္ခာ၊ တာဝန်သိမှု၊ ကိုယ်ကျင့်တရားများဖြင့် ကျားကန်တည့်မတ်ပါ။ သည်နည်းဖြင့် သင်ကိုယ်တိုင်ကို လည်းကောင်း၊ သင်၏ မိသားစုကို လည်းကောင်း၊ သင်၏ လုပ်ဖော်ကိုင်ဖက်များနှင့် သင်၏ အဖွဲ့အစည်း၏ ဂုဏ်သိက္ခာကိုပါ မြှင့်တင်နိုင်လိမ့် မည် ဖြစ်ပေသည်။

မှတ်ချက်။ ။notebookofayarwaddy.multiply.comမှ ပြန်လည်ဖော်ပြသည်။

ခေါင်းဆောင်တွေအတွက် C ဆယ်လုံး

လူတစ်ဦးချင်းစီက မိမိကိုယ်မိမိ အရာရာမှာ အောင်မြင်စေဖို့ စီမန်ခန့်ခွဲ လုပ်ဆောင်ရာမှာ မိမိကိုယ်တိုင်က မိမိအတွက် ခေါင်းဆောင် ဖြစ်ပါတယ်။ အဖွဲ့အစည်း တွေမှာ ခေါင်းဆောင်က တစ်ဦးတည်းပဲ ရှိပေမဲ့ လူတိုင်းက မိမိတို့တစ်ဦးချင်း တာဝန်ယူ ဆောင်ရွက်ကြရတဲ့ လုပ်ငန်းတွေ အတွက် မိမိက ခေါင်းဆောင်ပဲ ဖြစ်ပါတယ်။ ခေါင်းဆောင်မှု သဘောတရား တွေကို လူတစ်ဦးချင်း သိရှိဖို့ လိုအပ်သလို လိုက်နာကျင့်သုံးဖို့လည်း လိုအပ်တာဖြစ်ပါတယ်။ ခေါင်းဆောင် လုပ်မယ့် သူတွေ သိထားသင့်တဲ့ C ဆယ်လုံးကို ပြန်လည် မျှဝေ ပေးလိုက်ပါတယ်။

(၁)သိလိုစိတ် ပြင်းပြမှု(Curiosity)

ခေါင်းဆောင် တစ်ယောက်အနေနဲ့ မိမိလုပ်ငန်း အဖွဲ့အစည်းအတွက် အကျိုးရှိစေနိုင်မဲ့ အရာမှန်သမျှကို သိလိုစိတ် ပြင်းပြမှု ရှိတာကို ပြရမယ်။ သူ့ရဲ့ လုပ်ငန်း အ၀န်းအ၀ိုင်း အတွင်းမှာရှိနေတဲ့ ဟုတ်ပါ့၊မှန်ပါ့ ပြောနေတဲ့ အုပ်စုရဲ့ အပြင်ဘက်က လူတွေ ပြောတာကို နားထောင်ရမယ်။ ကမ္ဘာကြီးက ကြီးမားပြီး ရှုပ်ထွေးတဲ့ နေ၇ာတစ်ခု ဖြစ်နေတဲ့အတွက် အကျိုး ရှိစေမယ့် စာအုပ် စာတမ်းတွေကို သိလိုစိတ် ပြင်းပြတဲ့စ်ိတ်နဲ့ ဖတ်ရမယ်။ နိုင်ငံတကာရဲ့အညွှန်းစာသားအရ Leaders are Listerners လို့ ခေါ်ကြတယ်။

အကယ်၍ ခေါင်းဆောင်တစ်ဦး အနေနဲ့ သူနေထိုင်နေရတဲ့ အေးချမ်းတဲ့ နေရာရဲ့ပြင်ပကို မတူညီတဲ့ အတွေးတွေ နားထောင်နိုင်ဖို့ လျှောက်လှမ်း သွားလာပြီး ထဲထဲဝင်ဝင် မရှိရင် လန်းလန်းဆန်းဆန်း မရှိဘဲ ကြီးထွားနေရတာနဲ့ တူနေမှာ ဖြစ်တယ်လို့ ဆိုတယ်။ အဲဒီ ခေါင်းဆောင်က လူအများရဲ့ ယုံကြည်မှု မရခဲ့ရင် သူလုပ်ဆောင်မှုတွေ မှန်တယ် ဆိုတာကို သူကိုယ်တိုင် သိနိုင်မှာ မဟုတ်တော့ဘူးလို့ ဆိုတယ်။ လူတွေ ပြောတာကို နားထောင်နိုင်ဖို့ အရည်အချင်း မရှိတာက စိတ်ကြီးဝင်မှု ပုံစံတစ်ခု ဖြစ်တယ်။ ဒါက အရာရာ သူသိတယ် ဆိုတဲ့ အတ္တစိတ် (Ego)ကနေ စိတ်ကြီးဝင်မှု (Arrogance)ဖြစ်ပြီး ဘာကိုမှ ဂရုမစိုက်တော့တာမျိုး ဖြစ်သွားတယ်။ အဲဒီလိုဖြစ်တဲ့ ခေါင်းဆောင်တွေရဲ့ နောက်ဆုံး ရောက်ရှိမဲ့ နေရာက ဆုံးရှုံးမှု (failure)ပဲ ဖြစ်တယ်လို့ ဆိုတယ်။

(၂)ဆန်းသစ်မှု(Creativity)

ခေါင်းဆောင်က မိမိဒုံရင်း နေရာကနေထွက်ပြီး မတူညီဘဲ ကွဲပြားမှုတစ်ခုခု ဘာတွေ ရှိနေတယ်ဆိုတာကို ကြိုးစားရှာဖွေလိုစိတ် ရှိရမှာဖြစ်တယ်။ မိမိနေရာ ပြင်ပကိုထွက်ပြီး တွေးတောမှုတွေ ရှိရမယ်။ ခေါင်းဆောင်မှု ဆိုတာက ပြောင်းလဲမှုကို စီမံခန့်ခွဲတာဖြစ်လို့ သင်က ကုမ္ပဏီ တစ်ခုခုကို ဦးဆောင်နေရတာ ဖြစ်စေ၊ နိုင်ငံတစ်နိုင်ငံကို ဦးဆောင်နေရတာ ဖြစ်စေ ပြောင်လဲမှုတွေ အားလုံးကို စီမံခန့်ခွဲနိုင်ရမယ်။ အရာရာက ပြောင်းလဲနေတာ ဖြစ်လို့ ဆန်းသစ်တဲ့ ရှာဖွေမှုတွေရှိရမယ်။ ရှိနေတဲ့ အခြေအနေ ကနေ တိုးတက်အောင်လုပ်ရမယ်။

(၃)ဆက်သွယ်ဆောင်ရွက်မှု(Communication)

ခေါင်းဆောင် တစ်ယောက်အနေနဲ့ ဆက်သွယ် ဆောင်ရွက်မှု ကောင်းသူတစ်ဦးလည်း ဖြစ်ရမယ်။ ပါးစပ်ကနေ ပြောနေရုံ သက်သက် မဟုတ်ဘဲ တကယ့် အစစ်အမှန်ကို ရင်ဆိုင်ပြီး အမှန်ပြောဆိုတာကို ဆိုလိုတာဖြစ်တယ်။ ဆက်သွယ် ဆောင်ရွက်မှုကို အမှန်ပြောဆိုတာနဲ့ အစပြုရမယ်။ နာကြည်း ဖွယ်ရာတွေနဲ့ ကြုံတွေ့နေရတဲ့ အခါမှာသော်မှ အမှန်ကို ပြောဆိုရမှာ ဖြစ်တယ်။ ဒါကြောင့် ခေါင်းဆောင်တွေက ဆက်သွယ် ဆောင်ရွက်မှု ကောင်းတွေ (Leaders are good communicators) လို့လည်း ဆိုကြတာ ဖြစ်တယ်။

(၄)အကျင့်စာရိတ္တကောင်းမွန်သူ(Character)

ခေါင်းဆောင် တစ်ယောက်က အကျင့်စာရိတ္တ ကောင်းသူ ဖြစ်ရမယ်။ အမှား၊ အမှန်ကို ဝေဖန်ပိုင်းခြားပြီး မှန်တာကို လုပ်ရဲရမယ်။ တကယ်လို့ လူတစ်ယောက်ရဲ့ အကျင့်စာရိတ္တကို စမ်းသပ်ချင်ရင် သူ့ကို အာဏာပေးကြည့် လိုက်ပါလို့ အီဗရာဟင်လင်ကွန်းက ဆိုခဲ့တယ်။

(၅)သတ္တိရှိမှု(Courage)

ခေါင်းဆောင်မှာ သတ္တိရှိရမယ်၊ ကြောက်ရွံ့ နေသူတွေ အကြားမှာ ထောင်ထောင်ထောင်ထောင် သွားပြတာက သတ္တိရှိတာ မဟုတ်ဘူး။ ကြမ်းကြမ်း တမ်းတမ်း ပြောတာကလည်း သတ္တိရှိတာ မဟုတ်ဘူး။ သတ္တိရှိတယ် ဆိုတာက စေ့စပ် စကားဝိုင်းမှာထိုင်ပြီး ကတိက၀တ် ထားရှိစကား ပြောဆိုနိုင်မှု ဖြစ်တယ်လို့ဆိုတယ်။

(၆)အပြစ်ဖြစ်ရင် ခံယူရဲတဲ့သတ္တိရှိမှု(Conviction)

ခေါင်းဆောင် တစ်ယောက်ဖြစ်ဖို့ အပြစ်ဖြစ်ရင် အဲဒီအပြစ်အတွက် ခံယူရဲတဲ့ သတ္တိ၇ှိရမယ်။ အလုပ်တစ်ခုကို အောင်မြင်ပြီးမြောက်သည်အထိ ပြီစီးအောင် လုပ်လိုစိတ် ရှိရမယ်။ အလုပ်လုပ်တဲ့ သူတိုင်း အမှားတွေ လုပ်မိကြတာ ဖြစ်တယ်။ အမှားနဲ့ ကင်းသူက အလုပ်မလုပ်သူ ဖြစ်တယ်လို့ဆိုတယ်။ အမှားကို အမှားအတိုင်း မထားဘဲ အမှန်ဖြစ်အောင် ရဲရဲဝံ့ဝံ့ ရင်ဆိုင် ဖြေရှင်းတတ်သူ ဖြစ်တယ်။

(၇)လူအများ၏ ချစ်ခင်လေးစားနိုင်မှု(Charisma)

လူအများရဲ့ ချစ်ခင်လေးစားနိုင်စေမှုက လူတွေကို သင့်နောက်ကနေ လိုက်အောင် ပြုလုပ်နိုင်တဲ့ အရည်အသွေး ဖြစ်တယ်။ လူတွေကို စိတ်အားထက်သန်မှု ရှိစေတဲ့ အရည်အချင်း ဖြစ်တယ်။ လူတွေက သူ့ကို ယုံကြည်တဲ့အတွက် သူ့နောက်ကနေ လိုက်ကြတာ ဖြစ်တယ်။

(၈)ကျွမ်းကျင်လိမ္မာမှု(Competent)

ခေါင်းဆောင် တစ်ယောက်မှာ ကျွမ်းကျင် လိမ္မာမှုရှိရမယ်။ မိမိလုပ်နေတဲ့လုပ်ငန်းတွေနဲ့ ဆက်စပ်တာတွေ အားလုံးကို သိနေရမယ်။ ပိုအရေးကြီးတာက သင်ကိုယ်တိုင်ရဲ့ ၀န်းကျင်မှာရှိနေတဲ့ သူတွေကလည်း သူတို့ ဘာတွေ လုပ်နေတာလည်းဆိုတာ သိနေတဲ့ လူတွေ ဖြစ်ဖို့လိုတယ်။ ခေါင်းဆောင်က ပြသာနာ ဖြေရှင်းနိုင်သူတစ်ဦး ဖြစ်ဖို့ လိုတယ်။

(၉)လက်တွေ့ကျကျ တွေးတတ်မှု(Common Sense)

အကယ်၍ သင့်မှာ လက်တွေ့ကျကျ တွေးတောတတ်မှု မရှိရင် ခေါင်းဆောင်တစ်ယောက် မဖြစ်နိုင်ဘူးလို့ဆိုတယ်။ ခေါင်းဆောင်က ခိုင်မာတဲ့ စိတ်ဓာတ် ရှိရမယ်။ ကြီးမားတဲ့ အပြုံးပိုင်ရှင် တစ်ယောက် ဖြစ်ရမယ်။ ဆုတ်စရာရှိရင် ညင်ညင်သာသာ ဆုတ်တတ်ရမယ်။ လုပ်စရာရှိရင် မြန်မြန်ထက်ထက် လုပ်တတ်ရမယ်။ အကယ်၍ သင်က လူသားဆန်တဲ့ လူတစ်ယောက် ဖြစ်လာဖို့ သင့်ရဲ့ ကြောင်းကျိုး ခိုင်လုံစေမှုနဲ့ လက်တွေ့ကျကျ တွေးတတ်မှု လိုအပ်တယ်။

(၁၀)အကျဉ်းအကျပ်ထဲကနေ ဖောက်ထွက်နိုင်မှု(Crisis)

ခေါင်းဆောင်မှုဆိုတာ အကျဉ်းအကျပ် ကာလအတွင်းမှာ ပုံသွင်း ခံရသူနဲ့ လမ်းထွင်နိုင်သူ ဖြစ်တယ်။ ခုံပေါ်မှာ ခြေထောက်တင်ပြီး စာတွေ့တွေ ပြောရတာက လွယ်ကူပေမဲ့ လက်တွေ့မှာ ဖြစ်လာတဲ့ အခက်အခဲတွေ ၊ အကျဉ်းအကျပ် ဖြစ်မှုတွေကနေ အောင်မြင်အောင် လမ်းထွင်နိုင်သူ ဖြစ်မှသာ ခေါင်းဆောင် တစ်ယောက် ဖြစ်လာနိုင်တယ်။

Note: notebookofayarwaddy.multiply.com မှ ပြန်လည်မျှဝေပါသည်။

ဟားဗတ်တက္ကသိုလ်

အင်္ဂလန်နိုင်ငံသား John Harvard (1607-1638)ဟာ (၁၆၃၇)ခုနှစ်မှာ အမေရိကားကို ပြောင်းရွေ့ခဲ့တယ်။ အင်္ဂလန်နိုင်ငံ Cambridge Universityက ကျောင်းပြီးခဲ့တဲ့သူဟာ သူပြောင်းရွေ့ခဲ့တဲ့ Charlestownမြို့က ဘုရားကျောင်းမှာ ဘုန်းတော်ကြီးတစ်ပါး ဖြစ်ချင်ခဲ့တယ်။ ဒါပေမယ့် သူသက်ဆိုးမရှည်ခဲ့ဘူး။ ပြောင်းရွေ့ပြီး တစ်နှစ်အကြာ (၁၆၃၈)ခုနှစ်မှာ အဆုတ်ရောဂါနဲ့ သူကွယ်လွန်သွားခဲ့တယ်။

အိမ်ထောင်ကျတာ သိပ်မကြာသေးတဲ့သူ့မှာ သားသမီးလဲ မရှိခဲ့ပါဘူး။ မသေခင်မှာ သူ့ပိုင်ဆိုင်မှုတစ်ဝက်ဖြစ်တဲ့ (ပေါင်၇၈ဝ)ခန့်နဲ့ စုဆောင်းထားတဲ့ စာအုပ်ပေါင်း(၄ဝဝ)ခန့်ကို မြစ်တစ်ဘက်ကမ်းက အသစ်ဆောက်လုပ်ပြီးစ ကျောင်းတစ်ကျောင်းကို သူလှူလိုက်တယ်။ အဲဒီအလှူဟာ အဲဒီခေတ်တုန်းက ကျောင်းအတွက် အကြီးမားဆုံးအလှူ ဖြစ်ခဲ့တယ်။ ကျောင်းအုပ်ကြီးက အလှူရှင်ဟားဗတ်ကို ကျေးဇူးတင်တဲ့အနေနဲ့ အသစ်ဆောက်လုပ်ပြီးစ ကျောင်းကို ဟားဗတ်လို့ အမည်ပေးလိုက်တယ်။ အဲဒီကျောင်းဟာ ဒီကနေ့ခေတ်မှာတော့ ဟားဗတ်တက္ကသိုလ်ဆိုပြီး နာမည်ကြီးခဲ့ပါတယ်။

(၁၈၈၄)ခုနှစ်မှာ ပန်းပုဆရာ Daniel Franciscus က ဟားဗတ်ရုပ်တုထုဖို့ ပြင်ဆင်ခဲ့တယ်။ ဒါပေမယ့် နှစ်တွေကြာခဲ့တဲ့အပြင် ဟားဗတ်ရဲ့ပုံတူတွေလည်း ချန်မထားခဲ့တာကြောင့် Danielဟာ ကျောင်းထဲက ချောမောခန့်ညားတဲ့ ယောက်ျားသားသုံးယောက်ကို ရှာပြီး မော်ဒယ်ထိုင်ခိုင်းခဲ့တယ်။ အဲဒီယောက်ျားသုံးယောက်ပေါင်းရဲ့ ရုပ်တုဟာ ဟားဗတ်ရုပ်တုဖြစ်လာခဲ့တယ်။ ရုပ်တုမှာ ကျောင်းကိုတည်ထောင်သူ ဂျွန်ဟားဗတ်နဲ့ ကျောင်းတည်ထောင်တဲ့နှစ် (၁၆၃ဂ)ဆိုပြီး ရေးထားတယ်။ တကယ်တော့ ဒါဟာ မှားယွင်းနေပါတယ်။ ဟားဗတ်က အဲဒီကျောင်းရဲ့ အလှူရှင်တစ်ဦးပဲဖြစ်တယ်။ နောက်ပြီး ကျောင်းကို (၁၆၃၆)ခုနှစ်မှာ တည်ထောင်ခဲ့တာပါ။ ရုပ်တုကလည်း ဟားဗတ်ကိုယ်တိုင် မဟုတ်ပါဘူး။ ယောက်ျားသုံးယောက်ပေါင်းရဲ့ ရုပ်တုဖြစ်တယ်။

ဒါပေမယ့် ဟားဗတ်တက္ကသိုလ်ဝင်းထဲမှာ ဟားဗတ်အထိမ်းအမှတ် ရုပ်တုကို တည်ထားခဲ့ပါတယ်။ အဲဒီနေရာဟာ ဒီကနေ့ခေတ်မှာ ကျောင်းဝင်းထဲက အထင်ရှားဆုံးနေရာဖြစ်ခဲ့တယ်။ ရုပ်တုထဲက ဟားဗတ်ရဲ့ဘယ်ခြေထောက်ကို ပွတ်သပ်ပေးရင် အသိဉာဏ် ပိုကြွယ်စေတယ်လို့ ဆိုရိုးရှိခဲ့ကြတယ်။ ဒါကြောင့် ရုပ်တုထဲမှာ ဟားဗတ်ရဲ့ဘယ်ခြေက တစ်ခြားနေရာထက် ပိုပြောင်လက်လို့ နေခဲ့ပါတယ်။

Ref : http://baike.baidu.com/view/1501003.htm

copy from နိုင်းနိုင်းစနေ....

ယုံကြည်ချက် မီးအိမ်ကို ထွန်းညှိပါ

၁၅ရာစုတုန်းက ကိုလံဘတ်ဟာ Hispaniolaကျွန်းကို တိုက်ခိုက်အောင်မြင်ပြီး စပိန်ကို ပြန်လာခဲ့တယ်။ ကျွန်းကနေခွာပြီး သိပ်မကြာခင်မှာပဲ ရာသီဥတုအပြောင်းအလဲကြောင့် ကိုလံဘတ်တို့လူတစ်စု လေပြင်းမုန်တိုင်းနဲ့ တိုးခဲ့ကြတယ်။ ကောင်းကင်တစ်ခုလုံး မည်းမှောင်ပြီး လျှပ်စီးလျှပ်ပန်းတွေနဲ့ လှိုင်းတံပိုးရိုက်ဒဏ်ကို သူတို့အလူးအလဲ ခံခဲ့ကြရတယ်။ ဒါဟာ ကိုလံဘတ်ရဲ့ ပင်လယ်ခရီးတစ်လျှောက်မှာ တွေ့ကြုံရတဲ့ အပြင်းထန်ဆုံး မုန်တိုင်းဖြစ်တယ်။ လေပြင်းမုန်တိုင်းဒဏ်ကြောင့် လှေတချို့ ပင်လယ်ရေအောက် နစ်မြှုပ်ခဲ့ကြတယ်။

လှေသူကြီးက စိုးရိမ်ချောက်ချားစွာနဲ့ ကိုလံဘတ်ကို "မြေပြင်ပေါ် ငါတို့လုံးဝ ခြေချခွင့်ရတော့မှာ မဟုတ်ဘူး"လို့ဆိုတယ်။

ကိုလံဘတ်က သက်ပြင်းတစ်ချက်ချပြီး "ငါတို့ ပျောက်ဆုံးပျက်ဆီးသွားလို့ရတယ်။ ဒါပေမယ့် ငါတို့ရဲ့ အရေးကြီးတဲ့မှတ်တမ်းတွေကို နောက်လူတွေအတွက် ငါတို့ချန်ထားခဲ့ရမယ်"လို့ဆိုတယ်။ အဲဒီနောက် ကိုလံဘတ်ဟာ မုန်တိုင်းဒဏ်ကြောင့် ပြောင်းဆန်ခတ်နေတဲ့ လှေဝမ်းထဲမှာ အရေးကြီးတဲ့မှတ်တမ်းတချို့ကို စာရွက်ပေါ် ချရေးနေခဲ့တယ်။ အဲဒီနောက် အဲဒီစာရွက်ကိုလိတ်ပြီး ပုလင်းထဲထည့် အဖုံးလုံအောင်ပိတ်ပြီး ပင်လယ်ထဲ မျောချလိုက်တယ်။

"ဒီမှတ်တမ်းတွေ တစ်နေ့နေ့မှာ စပိန်ကမ်းခြေဘက် မျောသွားမယ်ဆိုတာကို ငါယုံကြည်တယ်" လို့ ကိုလံဘတ်ဟာ ယတိပြတ်ပြောခဲ့တယ်။

"လုံးဝ မဖြစ်နိုင်ဘူး! ငါးဗိုက်ထဲရောက်ရင်ရောက် မရောက်ရင် လှိုင်းပုတ်လို့ ပျက်ဆီးကုန်လိမ့်မယ် ဒါမှမဟုတ် ပင်လယ်အောက် နစ်မြှုပ်သွားလိမ့်မယ်"လို့ လှေသူကြီးက ပြောတယ်။

"တစ်နှစ် ဒါမှမဟုတ် နှစ်နှစ်၊ ရာစုတစ်ခုဖြစ်ရင်လည်းဖြစ်မယ်။ ဒီပုလင်းဟာ စပိန်ကမ်းခြေဘက် ရောက်ကိုရောက်သွားလိမ့်မယ်လို့ ငါယုံတယ်။ ဘုရားသခင်က ငါတို့ရဲ့ဘဝကို ချယ်လှယ်နိုင်ပေမယ့် ဘဝရဲ့ကြံ့ကြံ့ခံတဲ့ ယုံကြည်မှုကိုတော့ လုံးဝမချယ်လှယ်နိုင်ပါဘူး" ကိုလံဘတ်က ခိုင်ခိုင်မာမာပြောတယ်။

ကံကောင်းစွာနဲ့ လူအများဟာ မုန်တိုင်းဒဏ်က လွတ်မြောက်လာခဲ့ကြတယ်။ စပိန်ကို ပြန်ရောက်ပြီးနောက် ကိုလံဘတ်နဲ့ လှေသူကြီးတို့ဟာ လူလွတ်ပြီး ကမ်းခြေတွေမှာ ပုလင်းကို လိုက်ရှာစေခဲ့ကြတယ်။ ဒါပေမယ့် ဘယ်လိုရှာရှာ မတွေ့ခဲ့ပါဘူး။ လောကကြီးထဲကနေ ကိုလံဘတ်ထွက်သွားတဲ့အထိ ပုလင်းကို လူတွေရှာမတွေ့ခဲ့ကြဘူး။

၁၈၅၆ခုနှစ် အဲဒီမုန်တိုင်းဒဏ်ကို ကိုလံဘတ်ခံရပြီး (၃)ရာစုနှစ်အကြာမှာ ပုလင်းလေးဟာ ဒီရေနဲ့အတူ စပိန်ရဲ့Biscayကမ်းခြေဆီ ရောက်လာခဲ့ပါတယ်။ ယုံကြည်မှုဆိုတာ လူ့ဘဝရဲ့ မီးပြတိုက်၊ ယုံကြည်ချက်ရှိရင် ဘာမဆိုဖြစ်နိုင်တဲ့အကြောင်း စာလေးက သက်သေထူနေပါတယ်။

Martin Luther King က "ဒီလောကကြီးမှာ ယုံကြည်ချက်နဲ့ မားမားရပ်တည်နိုင်သူက ဘယ်တော့မှ ဘယ်သူကြောင့် မလဲကျနိုင်ဘူး" လို့ ဆိုခဲ့ပါတယ်။

ယုံကြည်ချက်ဆိုတာ အောင်မြင်သူတွေရဲ့ ရင်ဘတ်ထဲက ဘယ်တော့မှ မလဲတဲ့အလံဖြစ်တယ်။
ယုံကြည်ချက်ရှိရင် ထူးဆန်းအံ့သြစရာတွေက ပေါ်လာစမြဲဖြစ်တယ်။
ယုံကြည်ချက်ဆိုတာ စိတ်ဓာတ်ကို ထောက်ခံပေးတဲ့ အိမ်ခေါင်တိုင်ဖြစ်တယ်။
ယုံကြည်ချက်မရှိရင် စိတ်ဓာတ်တစ်ခုလုံး လဲပြိုနိုင်တယ်။
ယုံကြည်ချက်ဆိုတာ ခွန်အားရဲ့ရေသောက်မြစ်၊ အောင်မြင်ခြင်းရဲ့ လှေကားထစ်ဖြစ်တယ်။
လူတိုင်းလူတိုင်း ယုံကြည်မှုကို ပိုင်ဆိုင်နိုင်ပါတယ်။
ယုံကြည်မှုကို လက်ကိုင်ထားပြီး ဘဝကို ထူးဆန်းအံ့သြမှုတွေနဲ့ ဖန်ဆင်းနိုင်ပါတယ်။


မူရင်းရေးသားသူ-- Hu Bao Lin

နိုင်းနိုင်းစနေ ဘာသာပြန်သည်။