ဆရာယုဒသန်သည် ဘိုးတော်ဘုရားလက်ထက်တွင် အမေရိကန်ပြည်ထောင်စုနိုင်ငံမှ မြန်မာနိုင်ငံသို့ ရောက်ရှိလာသော ခရစ်ယာန် သာသနာပြု တစ်ဦးဖြစ်သည်။ ဆရာယုဒသန်၏ နာမည်အရင်းမှာ အဒိုနီရမ်ဂျပ်ဆင်ဖြစ်သည်။ သူသည် မြန်မာနိုင်ငံ ခရစ်ယာန် သာသနာရေးတွင်သာမက စာပေဖက်တွင်သော်၎င်း၊ နိုင်ငံရေးဖက်တွင်လည်း ထင်ရှားသောသူတစ်ဦးဖြစ်သည်။ ဆရာယုဒသန်ကို ၁၇၈၈ ခုနှစ် သြဂုတ်လ ၉ရက်နေ့တွင် အမေရိကန်ပြည်ထောင်စုနိုင်ငံ မက်ဆချူးဆက်ပြည်နယ် မော်လဒင်း မြို့တွင် မွေးဖွားခဲ့ သည်။ ဗရောင်းတက္ကသိုလ်တွင်ပညာသင်ကြားခဲ့သည်။ ၁၈၁၂ခုနှစ် ဖေဖော်ဝါရီလ ၅ ရက်နေ့တွင် အန်ဟေဇယ်တိုင် ဆိုသူ အမျိုးသမီးတစ်ဦးဖြင့် လက်ထပ်ခဲ့သည်။ နောက်တစ်နေ့တွင် ယုဒသန်သည် အခြားအဖော်လေးဦးတို့ နှင့်အတူ အရှေ့အာရှနိုင်ငံ များသို့ သွားပြီး သာသနာပြုရန်စေလွှက်ခြင်းခံရသည်။ ယုဒသန်တို့ဇနီးမောင်နှံသည် ဖေဖော်ဝါရီလ ၁၉ရက်နေ့တွင် ဆေလမ်မြို့ ဆိပ်ကမ်းမှ သင်္ဘောဖြင့် ထွက်ခွာခဲ့ကြသည်။
ဇွန်လတွင် ကာလကတ္တားမြို့သို့ ဆိုက်ရောက်သည်။ ထိုအချိန်က ဗြိတိသျှနှင့် အမေရိကန် အစိုးရတို့အချင်းချင်း မသင့်မတင့် ဖြစ်နေသည်။ ဗြိတိသျှတို့၏ အရှေ့အိန္ဒိယကုမ္ပဏီသည် အမေရိကန်သာသနာပြုများကို ထိုတိုင်းပြည်တွင် နေထိုင်ရန် မလိုလား ချေ။ ထိုကြောင့် အိန္ဒိယနိုင်ငံဘုရင်ခံချုပ်က ယုဒသန်နှင့်သူ၏ဇနီးကို အမေရိကန်သို့ပြန်ရန် အမိန့်ပေးလေသည်။ ယုဒသန် သည် အရှေ့အာရှနိုင်ငံများတွင် သာသနာပြုရန်ကို စွန့်လွှတ်ရမယ့် အခြေအနေကိုရောက်ရှိနေခဲ့သော်လည်း ၁၈၁၃ခုနှစ် ဇွန်လ ဆန်းတွင် အရှေ့ဖက်ကို ကြုံရာသင်္ဘောနှင့်သွားမည်ဟူသောအကြံဖြင့် အ်ိန္ဒိယနိုင်ငံ မဒရပ်မြို့သို့ တဖန် ထွက်ခွာခဲ့သည်။ မဒရပ်မှတဆင့် ဂျောဂျီးယားနားအမည်ရှိ သင်္ဘောဖြင့် မြန်မာနိုင်ငံသို လိုက်ပါလာခဲ့ကြရာ ဇူလိုင်လ ၁၃ ရက်နေ့တွင် ရန်ကုန်မြို့သို့ ဆိုက်ရောက်လာသည်။
ထိုအခါက ရန်ကုန်သည် အခုကာလ ရန်ကုန်နှင့်လုံးဝ မတူချေ။ ဆူးလေစေတီတော်ကို အရှေ့ဖက်၊ အနောက်ဖက် နှင့် တောင်ဖက်တွင် အင်းကြီးတစ်ခု ကာလျက်ရှိသည်။ မြို့ကို အင်းကြီး ချောင်းမြောင်း၊ထုံးအိုင်တို့ ၀န်းရံလျက်ရှိသဖြင့် ကျွန်းကြီး ကဲ့သို့ ဖြစ်လျက်ရှိသည်။ အိန္ဒိယနိုင်ငံဆရမ်ပူမြို့ရှိ အင်္ဂလိပ်နှစ်ခြင်း ခရစ်ယာန်သာသနာပြု ၀ီလျံကာရီ၏ သားဖဲလစ်ကာရီ၏ အိမ်၌ ယုဒသန် တို့နေထိုင်ကြလေသည်။ဟောပြော၊ သာသနာပြုရန် ရောက်လာကြသည်ဖြစ်သော်လည်း ယုဒသန်တို့သည် မြန်မာစကားကို လုံးဝမတတ်ကြပေ။ ထို့ကြောင့် မြန်မာစကားကို ဦးစွာ ကြိုးစားသင်ယူကြရသည်။ ထို့နောက် မြန်မာစာပေကို လေ့လာ ကျက်မှတ်ရသည်။ သုံးနှစ်သုံးမိုး ရှိလာသောအခါ ယုဒသန်သည် မြန်မာ သဒ္ဒါ ကျမ်းတစ်စောင်ကို ရေးသားပြုစု ပြီးလေ၏။ မြန်မာတို့အကြားတွင် သာသနာပြုဖို့ရန် မြန်မာတို့၏ အယူဝါဒ အလေ့အထတို့ကိုလဲ နားလည် ရအုန်းမည်ဖြစ်သည်။ ထို့ကြောင့် ယုဒသန်သည် လောကုတ္တရာစာပေများကို လေ့လာဆည်းပူးရာ မြန်မာ စကားကဲ့သို့ဖြစ်နေသော ပါဋ္ဌိသက္ကတ စကားလုံးပေါင်း လေးထောင်လောက်ကို စုဆောင်းမိလေသည်။ ထိုစကားလုံးများကို အက္ခရာဝလိစဉ်ပြီး မြန်မာ အနက်ပေးကာ ပါဋ္ဌိ-မြန်မာ အဘိဓါန်ကို စတင်ပြုစုလေသည်။ ထိုအဘိဓါန်တွင်ပါသော မြန်မာစကားလုံးများကို တဖန် အက္ခရာ ၀လိစဉ်ကာ အင်္ဂလိပ် အနက်ပေးပြီး ပထမ မြန်မာ-အင်္ဂလိပ် အဘိဓါန်ငယ်ကို ပြုစုခဲ့သည်။
၁၈၁၆ ခုနှစ်တွင် ဘင်္ဂလားပြည်နယ် စရန်ပူ သာသနာပြုကောလိပ်ကျောင်းက ပုံနှိပ်စက်တစ်လုံးနှင့် မြန်မာ ခဲစာလုံးများကို လက်ဆောင်ပေးပို့လိုက်သည်။ ပုံနှိပ်စက်နှင့်အတူ ဆရာဟောက်ဆိုသူ ပုံနှိပ်ပညာတတ် အမေရိကန် သာသနာပြု တစ်ဦးလဲ ရောက်ရှိလာသည်။ ၁၈၁၇ ခုနှစ်တွင် ယုဒသန်သည် ရှင်မသဲာ ခရစ်ဝင်ကျမ်းကို မြန်မာ ပြန်ဆိုပြီးစီးခဲ့သည်။ ထိုအခါ ယုဒသန်သည် တရားဟောနိုင်လောက်အောင် စကားတက်သည်ဟု အယူရှိလေသည်။ ထို့ကြောင့် သူသည် မြန်မာတို့ တရားနာလေ့ရှိ သော ဇရပ်များသို့ သွားကာ ဓမ္မကထိကများ ဟောသည်တို့ကို မြန်မာများနှင့် အတူ နာယူပြီး လေ့လာသည်။ ထို့နောက် သာသနာပြုအိမ်ကြီးနှင့် မလှမ်းမကမ်း လူသွားလူလာများသောလမ်းတွင် ဇရပ်တစ်ဆောင် ဆောက်လုပ်ခဲ့သည်။ ထိုအဆောင် တွင် ယုဒသန်ထိုင်ပြီး ခရီးသွားများကို တရားနာလာရန် ဖိတ်ခေါ်လေ့ရှိသည်။ ကလေးသူငယ်များကိုလည်း သစ်သားသင်ပုန်း ကြီးများ ခင်းပြီး စာသင်ပေးလေ့ ရှိသည်။ ထိုဇရပ်ကြီးတွင် ယုဒသန်သည် တရားစပြီးဟောသည်။ ကျမ်းစာများကိုလဲ ဆက် လက် ရေးသား ပြန်ဆိုကာ ပုံနှိပ်ထုတ်ဝေခဲ့သည်။
၁၈၂၄ခုနှစ် ဇန်န၀ါရီလ ၂၃ရက်နေ့တွင် ယုဒသန်တို့ ဇနီးမောင်နှံ နှစ်ဦး အင်းဝနေပြည်တော်သို့ ရောက်ရှိပြီးလျှင် အိမ်တစ် ဆောင် ဆောက်ပြီး နေကြလေသည်။ ယုဒသန်သည် မြန်မာမှုးမတ်ဆွေတော် မျိုးတော်တို့နှင့် သင့်မြတ်အောင် ပေါင်းသင်းပြီး သူ့၏ဇနီးက ကျောင်းတစ်ကျောင်းဖွင့်ကာ အပ်ချုပ်အတက်နှင့် စာရေးစာဖတ်တို့ကို သင်ကြားပေးသည်။ ယုဒသန်သည် ညောင်ရမ်းမင်းသား ခဲပေါင်မြို့စား ၀န်ကြီး ဦးရွှေလူ မြ၀တီဝန်ကြီး ဦးစနှင့် မက္ခရာ မင်းသားကြီးတို့ထံတွင် ၀င်ထွက် ခစား လေ့ ရှိသည်။ မြန်မာအစိုးရနှင့် အင်္ဂလိပ်အစိုးရတို့သည် ရှင်မဖြူကျွန်းအရေးကြောင့် စစ်ဖြစ်ကြရာ ၁၈၂၄ ခုနှစ် မေလတွင် အင်္ဂလိပ်တို့က ရန်ကုန်မြို့ကို သိမ်းယူလေသည်။ ထိုအချိန်တွင် နိုင်ငံခြားသားတို့အား ထိန်းသိမ်းစောင့်ကြပ်ထားရန် လိုအပ် သည့်တိုင် ယုဒသန်နှင့် ဒေါက်တာ စပရိုက်တို့ကို ဖမ်းဆီးပြီး လက်မရွံထောင်သို့ ပို့ထားလေသည်။ အခြားအင်္ဂလိပ်လူမျိုးများလဲ ထိုနည်းတူ အဖမ်းခံရသည်။ ထိုအချိန်တွင် ယုဒသန်၏ဇနီး၌ သမီး ဖွားမြင်ပြီး မာရီယာ အမည် မှည့်ခေါ်သည်။ ယုဒသန်တို့ လူစုကို ထောင်ထဲ၌ ၁၁လ အကျဉ်းချထားပြီးနောက် အောင်ပင်လယ်ထောင်သို့ တဖန် ရွှေ့ပြောင်း ချုပ်နှောင် ထားလေသည်။ ထိုနှစ် နိုဝင်ဘာလတွင် ယုဒသန်အား ထောင်မှ လွှတ်ရန် အမိန့်ရောက်လာသည်။ မလွန်မြို့အနီး ညောင်ပင်ဆိပ် စခန်းတွင် အင်္ဂလိပ်နှင့် မြန်မာတို့ စစ်ပြေငြိမ်းရေးအတွက် နှစ်ဦးနှစ်ဘက် စေ့စပ် ဆွေးနွေးရာ၌ ယုဒသန်ကို စကားပြန်အဖြစ် စေလွှတ်ရန် အတွက် ဖြစ်သည်။ဒီဇင်ဘာလ ၁၇ ရက်နေ့တွင် အင်းဝထောင်သို့ ပြန်ရောက်လေသည်။
ထို့နောက် ခဲပေါင်မြို့စားဝန်ကြီး ဦးရွှေလူ၏အကူအညီဖြင့် ယုဒသန်သည် ၁၈၂၅ခုနှစ်ဒီဇင် ဘာ ၃၁ နေ့တွင် ထောင်မှ လွှတ် သည်။ ၁၈၂၆ ခုနှစ်တွင် ရန္တပိုစာချုပ် ချုပ်ဆိုသောအခါ ယုဒသန်သည် စကားပြန်အဖြစ် ဆောင်ရွက်ကာ အင်္ဂလိပ်မှ မြန်မာသို့ ၊မြန်မာမှ အင်္ဂလိပ်သို့ ပြောသမျှစကား၊ ရေးသမျှစာတို့ကို ဘာသာ ပြန်ဆိုပေးရသည်။ စစ်ပြေငြိမ်းသွားသောအခါ ယုဒသန်သည် အောက်ပြည်သို့စုန်ပြီး အင်္ဂလိပ်ပိုင်နက်ဖြစ်သော ကျိုက်က္ခမီမြို့တွင် နေထိုင်သည်။ ထိုအချိန်တွင် သူ့၏ဇနီးသည် ၁၈၂၆ ခုနှစ် အောက်တိုဘာလ ၂၄ရက်နေ့တွင် အင်းဝနေပြည်တော်၌ ကွယ်လွန်သည်။ ၁၈၂၇ခုနှစ် ဧပြီလ၂၄ ရက်နေ့တွင် ယုဒသန်၏ သမီး မာရီယာလည်း ကွယ်လွန်သည်။ ယုဒသန် ပြန်ဆိုခဲ့သော ဓမ္မသစ်ကျမ်းကို ၁၈၃၂ ခုနှစ် ဒီဇင်ဘာလ ၁၅ ရက်နေ့တွင် မော်လမြိုင်မြို့ သာသနာ ပုံနှိပ်တိုက်၌ ပထမဆုံးအကြိမ်အဖြစ် ရိုက်နှိပ်ခဲ့သည်။ ဓမ္မဟောင်းကျမ်းကိုလဲ ဆက်လက် ပြန်ဆိုခဲ့ရာ ၁၈၃၅ခုနှစ် ဒီဇင်ဘာလ ၂၉ ရက်နေ့တွင် ပုံနှိပ် ပြီးစီးလေသည်။ ယုဒသန်၏အကြံမှာ အင်္ဂလိပ်- မြန်မာ အဘိဓါန်နှင့် မြန်မာ-အင်္ဂလိပ် အဘိဓါန်နှစ်ဆောင်ကို တစ်အုပ်ထဲ ဖြစ်အောင် ပုံနှိပ် ချုပ်လုပ်ရန် ဖြစ်သည်။ သို့သော်လည်း ၁၈၂၀ ပြည့်နှစ်က ပြုစုခဲ့သော အဘိဓါန်ငယ်မှာ မပြည့်စုံသဖြင့် ၁၈၄၂ခုနှစ်တွင် အဘိဓါန်ကို နှစ်စောင်ခွဲပြီး ပြုစုလေသည်။ အင်္ဂလိပ် အဘိဓါန်ကို ၁၈၄၉ ခုနှစ်ဇန်န၀ါရီလ ၂၄နေ့တွင် အပြီးသတ်သည်။ ထို့နောက် မြန်မာ အဘိဓါန်ကို ဆက်လက် ပြုစုနေခိုက် မကျန်းမမာ ဖြစ်လာသည်။ ထို့ကြောင့် ၁၈၅၀ ပြည့်နှစ် ဧပြီလ ၈ ရက်နေ့တွင် ယုဒသန်သည် မော်လမြိုင်မြုိ့မှ သဘောင်္ဖြင့် ပင်လယ်ခရီး ထွက်သွားရာ ဧပြီလ ၁၂နေ့၌ ကွယ်လွန်လေသည်။ ယုဒသန်၏ အလောင်းကို ပင်လယ်ပြင်တွင် သင်္ဂြုလ်လိုက်ကြသည်။
ယုဒသန်၏ လက်ငုတ်ဖြစ်သော မြန်မာ အဘိဓါန်ကို သာသနာပြု ဆရာတော် စတီဗင်အီးအေက ဆက်လက် လုပ်ကိုင်ခဲ့ရာ ၁၈၅၂ ခုနှစ်တွင် မော်လမြိုင်မြို့ အမေရိကန်သာသနာပြုပုံနှိပ်တိုက်၌ ပထမအကြိမ်အဖြစ် ပုံနှိပ် နိုင်ခဲ့လေသည်။ ယုဒသန်သည် အဘိဓါန်နှင့် ခရစ်ယာန်ကျမ်းများအပြင် ရွှေချိန်ခွင်စာအုပ်ကိုလည်းကောင်း၊ မြန်မာအမျိုးသမီးများ ၀တ်ဆင်ပုံစာတမ်းကို လည်းကောင်း၊ ပိဋကတ် အနှစ်စုကျမ်းကိုလည်းကောင်း၊ မြန်မာဘာသာဖြင့် ရေးခဲ့လေသည်။ ယခင်က ရန်ကုန်တက္ကသိုလ်တွင် အပါအ၀င်ဖြစ်သော ဂျပ်ဆင်ကောလိပ်မှာ ယုဒသန်၏ အထိမ်းအမှတ် ကျောင်းပင်ဖြစ်လေသည်။
မှတ်ချက်။ ။fwd:email မှ ဖော်ပြသည်။
